شبـــاب روش
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

شبـــاب روش


 
الرئيسيةأحدث الصورالتسجيلدخول

 

 مهزله تنظيم وفشل لحسن شحاته واولاده فى الحصول على اول 3نقاط فى مشوار جنوب افرقيا

اذهب الى الأسفل 
4 مشترك
كاتب الموضوعرسالة
mado_0106
مشرف
مشرف
mado_0106


ذكر
عدد المساهمات : 94
العمر : 32
العمل/الترفيه : طالب جامعى
المزاج : رايق
تاريخ التسجيل : 24/02/2009

مهزله تنظيم وفشل لحسن شحاته واولاده فى الحصول على اول 3نقاط فى مشوار جنوب افرقيا Empty
مُساهمةموضوع: مهزله تنظيم وفشل لحسن شحاته واولاده فى الحصول على اول 3نقاط فى مشوار جنوب افرقيا   مهزله تنظيم وفشل لحسن شحاته واولاده فى الحصول على اول 3نقاط فى مشوار جنوب افرقيا Icon_minitimeالأربعاء أبريل 01, 2009 7:46 pm

بسم الله الرحمن الرحيم
انا بكتب ليكم الموضوع ولكن بكل حزن وتالم ليس فقط على المنتخب المصرى لان
من حق اى بطل فى العالم ان يخفق مرة او مرتين ولكن كان له اسباب سنتناقشها
معا ولكن المشكله والمهزله الكبرى عمليه دخول اللستاد انا كنت فى اللستاد
يوم الماتش نازل من بيتنا بالظبط الساعه 3.5 اتقبلنا انا وصحابى ولما
وصلنا اللستاد كانت 5 المفروض الماتش الساعه 7.5 فضلنا واقفين من 5 الى
7.25 دقيقه بنتضرب ونتشتم وناس تصورنا بالموبايلات كاننا بهلوان مثلا
ويبعتو قوات بتوع امن الدوله الواحد فيهم لامؤاخذه ملوش لازمه يشتم واحد
محترم ومعاه كليه ويضربوه بالعصيان ويجرى فى وشك بالحصان ويضحكو ويهزروا
كان معانا تذاكر درجه تالته جه الظابط يقولنا روحو درجه اولى اتفتحت نلف
حته كبيرة يقولولنا اولى مش مفتوحه ارجعو تالته تانى نرجع تالته نلاقى
تهزيق وزق وناس كبيرة تقع وولاد صغيرين تقع ولا فارق مع الظابط وواقفين
اكتر من ساعتين ومش عايزين يدخلونا بردو طبعا انا واحد رايح اتفرج على
الماتش ورايح اشجع منتخب مصر المفروض ابات من قبلها بيوم جنب اللستاد ولا
اعمل ايه عشان اعرف ادخل طبعا الجماهير كنا حوالى بتاع 1000 واحد كان
معظمنا شباب الحمد لله لان لو فى ناس كبيرة كانت ممكن تموت بجد زى ماحصل
فى ماتش ساحل العاج قمنا فى السلك اللى على اليمين وانتا داخل درجه
التالته قطعناه ودخلنا ونطلع زى جبل عالى كدا وكلو بيجرى واللى يقع واللى
يتعور وننط صور كبير اوى كدا واللى مش عارف يطلع واللى يجى يحط ايدو اللى
فوقيه يدوس عليها ورجل واحد تخبط فى دماغك عادى جدا ده رغم انك معاك تذكرة
كانك مثلا بتسرق بتعمل جريمه عشان رايح تشجع المنتخب ونطينا دخلنا للبوبات
الاخيرة بقى وجيت نقولهم افتحولنا يقولنا المفتاح مش معايا ازاى ياناس انا
هتجنن وواحد كبير ادام عينى مع بنتو والله يقول للظابط انا مش هعرف انط
انا والبنت والله انا عندى القلب افتح الظابط يسيبو ويمشى كانو مسمعش اى
حاجه وننط البوبات واللى سورى البنطلون يتقطع واللى يقع وهو شايفنا بنط
طيب متفتح الباب بدل اما ننط بصراحه انا مكسوف ان بلدى بيحصل فيها كدا
وازاى اصلا كنا بنفكر ننظم كاس عالم ده غير شويه الناس الزباله اللى كانو
هناك سورى فى اللفظ راجل جى بولادو البنات يفسحهم تلاقى شويه شباب مش
رجاله سورى يعنى بيمدو ايدهم على البنات طيب فين الامن اى نعم الشباب دول
اتضربو لكن من الناس اللى واقفين عشان اروح اشجع بلدى يحصل كل ده انا مش
عارف ده بيعقبونا لو ده جرم نكون عارفين بردو ولا ايه بجد كان يوم استغفر
الله العظيم يارب منو






نيجى بقى للماتش اولا انا شايف الى يشيل المباراه دى حسن شحاته التشكيل مش
وحش بس كان فى غلطات مؤثرة جدا جدا زى بركات باك شمال انا شايف كان هيبدا
ببركات باك يمين مكان المحمدى ويلعب بااحمد سمير باك شمال ولو مش عاجبك
احمد سمير هات سيد معوض هات اسامه محمد هات واحد بيلعب شمال دى حاجه تانى
غلطه فى التشكيل بصراحه ياجماعه انا شايف ان فى منافسه كبيرة بين عمرو ذكى
وعماد متعب بحس ان كلو واحد عايز يلعب لنفسو عشان يثبت للتانى انه احسن
منو ومش بتصب فى صالح المنتخب دى حاجه لازم يكون المعلم واخد بالو منها
كمان احمد فتحى مساك دى مش عجبانى خالص عندك احمد السيد مش وحش خالص
وبعدين متجانس مع وائل جمعه عشان بيلعبو فى الاهلى جنب بعض احمد فتحى اما
يلعب نص ملعب اما مايلعبش لان الباك اليمين فى بركات والمحمدى احسن منه
بكتير فى المنطقه دى وكان لازم ياخد بالو ان زيدان مش فى حالتو ويلعب بابو
تريكه ابو تريكه بيستلم ويسلم فى نص الملعب وبيربط بين الملعب كلو
والمهاجمين احسن من زيدان كتير جدا ده للعيوب الفنيه اما فى شويه حاجات
بقى تموتك من الخنقه انا حاسس ان حسن شحاته فاكر اننا كنا بنلعب ماتش ودى
مثلا المنتخب بيتكرم قبل الماتش بيومين ازاى عمرو زكى يسافر قبل الماتش
بيوم عشان ياخد جايزة احسن لاعب عربى من مجله جزائريه ازاى دى بدرو عمرو
زكى وميدو كل اللى يشوفهم امضلنا ونتصور معاك ويولع المنتخب حاسس ان عمرو
زكى فرحان بنفسو عشان اتشهر ياعم افرح بس مش على حساب حرقه دم الناس وبعد
البهدله دى كلها تيجى ونخسر نقطين مش هيتعوضو بالساهل ومكنش فى اعداد نفسى
للمنتخب خالص ومتفرجوش على زامبيا لان لو اتفرجو على المنتخب ده وسرعتو
ولعبو ماكانوش قدمو الماتش بالمستوى ده وكان هيكونو مركزين بصراحه انا اول
ماسمعت ان المنتخب وقع فى المجموعه السهله دى قلقت المنتخب بيستقل بالفرق
الضعيف زى بنين لما كسبونا واتعادلو معانا قبل كدا ونلعب ادام ساحل العاج
والكاميرن زى الفل ياريت المشاكل دى تتعالج بس انا واصق من مدربنا العظيم
ومنتخبنا ولا عبييتنا اللى هيوصلنا للحلم اللى كلنا بنحلمو وهو كاس
العالم
مششششششششششششكككككككككككككووووووور ومعلش طولت عليكم
madoooooo






الرجوع الى أعلى الصفحة اذهب الى الأسفل
محمد عبد المحسن
مشرف
مشرف
محمد عبد المحسن


ذكر
عدد المساهمات : 408
العمر : 34
العمل/الترفيه : طالب جامعى
المزاج : سياسى
تاريخ التسجيل : 10/03/2009

مهزله تنظيم وفشل لحسن شحاته واولاده فى الحصول على اول 3نقاط فى مشوار جنوب افرقيا Empty
مُساهمةموضوع: رد: مهزله تنظيم وفشل لحسن شحاته واولاده فى الحصول على اول 3نقاط فى مشوار جنوب افرقيا   مهزله تنظيم وفشل لحسن شحاته واولاده فى الحصول على اول 3نقاط فى مشوار جنوب افرقيا Icon_minitimeالجمعة أبريل 03, 2009 5:16 pm

مشكور جدا على الموضوع الجامد
الرجوع الى أعلى الصفحة اذهب الى الأسفل
@Enta Meny@
مشرفــة
مشرفــة
@Enta Meny@


انثى
عدد المساهمات : 327
تاريخ التسجيل : 24/02/2009

مهزله تنظيم وفشل لحسن شحاته واولاده فى الحصول على اول 3نقاط فى مشوار جنوب افرقيا Empty
مُساهمةموضوع: رد: مهزله تنظيم وفشل لحسن شحاته واولاده فى الحصول على اول 3نقاط فى مشوار جنوب افرقيا   مهزله تنظيم وفشل لحسن شحاته واولاده فى الحصول على اول 3نقاط فى مشوار جنوب افرقيا Icon_minitimeالأحد أبريل 05, 2009 1:15 pm

موضوع جامد مشكور يا مادو
الرجوع الى أعلى الصفحة اذهب الى الأسفل
nadod
مشرفــة
مشرفــة
nadod


انثى
عدد المساهمات : 273
تاريخ التسجيل : 24/02/2009

مهزله تنظيم وفشل لحسن شحاته واولاده فى الحصول على اول 3نقاط فى مشوار جنوب افرقيا Empty
مُساهمةموضوع: رد: مهزله تنظيم وفشل لحسن شحاته واولاده فى الحصول على اول 3نقاط فى مشوار جنوب افرقيا   مهزله تنظيم وفشل لحسن شحاته واولاده فى الحصول على اول 3نقاط فى مشوار جنوب افرقيا Icon_minitimeالأحد أبريل 05, 2009 2:02 pm

موضوع دمار شكراااااااااااااااااااااااااااااااااااااااااااااااااااااااا يا مادو
الرجوع الى أعلى الصفحة اذهب الى الأسفل
 
مهزله تنظيم وفشل لحسن شحاته واولاده فى الحصول على اول 3نقاط فى مشوار جنوب افرقيا
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
شبـــاب روش :: المنتديات الرياضية :: المنتدى الرياضي العام-
انتقل الى: